Harrojnë rivalitetin, Microsoft dhe Sony arrijnë marrëveshje për transmetimin e lojrave

Teknologji

Harrojnë rivalitetin, Microsoft dhe Sony arrijnë marrëveshje për transmetimin e lojrave

Më: 17 maj 2019 Në ora: 17:40
Foto ilustrim

Sony dhe Microsoft kanë arritur një bashkëpunim të rëndësishëm.

Microsoft dhe Sony kanë formuar një partneritet për transmetimin e video lojërave, pavarësisht se janë konkurrentë të ashpër.

Pritet që Sony të përdorë shërbimin Cloud të Azurit të Microsoft për të pritur shërbimin e ardhshëm të PlayStation streaming.

Microsoft ka vënë në provë një ofertë të vetme, nën markën e saj Xbox, raporton “Bbc”.

Firmat thanë se gjithashtu do të punonin së bashku në gjysmëpërçuesit dhe aplikacionet e inteligjencës artificiale.

“Për shumë vite, Microsoft ka qenë një partner biznesi kryesor për ne, edhe pse natyrisht që të dy kompanitë kanë konkurruar edhe në disa fusha”, tha Kenichio Yoshida, shefi ekzekutiv i Sony.

“Unë besoj se zhvillimi ynë i përbashkët i zgjidhjeve të ardhshme të cloud do të kontribuojë shumë në avancimin e përmbajtjes interaktive”.

Shefi ekzekutiv i Microsoft, Satya Nadella, tha: “Sony ka qenë gjithmonë një lider në argëtimin dhe teknologjinë, dhe bashkëpunimi që ne shpallëm sot ndërton mbi këtë histori të inovacionit”.

Sot mund të lexoni Shfletoni kopertinat