Facebook do ta krijojë një hapësirë vetëm për lajme nga mediet - Bota Sot
Facebook do ta krijojë një hapësirë vetëm për lajme nga mediet

Teknologji

Facebook do ta krijojë një hapësirë vetëm për lajme nga mediet

Më: 9 gusht 2019 Në ora: 23:24
Foto ilustrim

Në muajt e ardhshëm, në Facebook do të jetë edhe një hapësirë e veçantë, vetëm për lajme nga mediet e ndryshme e besueshme dhe serioze.

Wall Street Journal pretendon se ky rrjet social ka kontaktuar me ABC News, Dow Jones, The Washington Post dhe Bloomberg, për t’ju ofruar rreth tre milionë që të bëhen pjesë e këtij projekti.

Sipas raportit, medieve iu është ofruar mundësia  që të licencohen deri në tri vjet dhe të vendosin se si i postojnë lajmet, varësisht nëse duan ta tregojnë të gjithë materialin në Facebook, apo një pjesë të saj, derisa një pjesë e mbajnë në ueb-faqen e tyre.

Mirëpo, ende nuk është bërë e ditur, se çfarë përgjigje i kanë dhënë mediet Facebook, nëse duan të bashkëpunojnë apo kanë kërkesa tjera.

Derisa Facebook nuk ka dhënë detaje, është bërë e ditur, se ky format mund të arrijë gjatë vjeshtës, në mënyrë që të ofrohen vetëm informata të vërteta.

Rrjeti social Facebook, është kritikuar shumë shpesh, për shkak të shpërndarjes së informatave të pavërteta dhe të rrejshme, që kanë ngjallur shumë pakënaqësi te shfrytëzuesit.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...