Procesi i blerjes së laptoptit nuk është aspak i lehtë. Nga madhësia e laptopit, fuqia e procesorit apo hapësira e memories, i gjithë procesi duket tejet lodhës, dhe për shumë kë i paqartë. Të nevojitet një laptop i thjeshtë por funksional, apo një me performancë më të mirë për punë apo video-lojëra? Apo dëshiron një laptop të lirë?
Për të gjitha këto, këshillat e renditura më poshtë mund t’ju ndihmojnë:
Madhësia
Nëse të nevojitet një laptop të cilin e bart me lehtësi, atëherë të duhet një me monitor më të vogël, pasi që këta laptop janë të dizajnuar të jenë të lehtë dhe të hollë. Në këtë rast, rekomandojmë që të përzgjidhni një laptop me monitor 11-13 inç, sepse peshojnë 1.3kg ose më pak.
Ekrani
Nëse keni probleme me kokë dhembje apo shikim, atëherë keni nevojë për një ekran që është i rehatshëm për tu parë. Nëse e shfrytëzoni laptopin tuaj për punë dhe keni nevojë të shihni shumë gjëra në ekran në të njëjtën kohë, atëherë ju nevojitet një laptop me rezolucion minimal 1920×1080 pixel (full HD). Në këtë mënyrë mund të shmangni lëvizjet poshtë-lartë me maus për të parë gjithçka.
Forma dhe çmimi i laptopit
Një laptop me madhësi të ekranit 13-15 inç, do të mjaftojë. Ndërkohë, nëse dëshironi të keni laptop që bartet lehtë, atëherë kërkoni laptopët që reklamohen si ‘ultrabooks’, pasi që peshojnë 1.3kg ose më pak. Në treg mund të gjeni edhe laptop 2-në-1, të cilët shumë lehtë konvertohen edhe në tablet, pasi që ju rrotullohet ekrani, dhe zakonisht janë më të shtrenjtë. Por, nëse jeni ngushtë me buxhet dhe ju nevojitet një laptop që kushton më lirë, atëherë kërkoni modelet ‘Chromebooks’.
Procesori (CPU)
Procesori (CPU) ndryshe i njohur si truri i laptopit, është njëra nga pjesët më të rëndësishme. Pavarësisht se a jeni duke e shtypur një buton, apo duke e hapur një dokument, procesori është pjesa që e ekzekuton atë komandë. Për gjëra të thjeshta si shëtitja në ueb-faqe, dërgimi i e-mailave, ju rekomandojmë një procesor dy-bërthamësh (dual-core). Ndërkohë, nëse punoni me video apo foto dizajn, ose ju pëlqejnë video-lojërat, atëherë ju nevojitet një laptop me procesor shumë shtresor (multi-core), si Intel Core i7 CPU. Thjesht, sa më shumë shtresor procesori, aq më e mirë performanca e laptopit.
RAM memoria
RAM memoria është e rëndësishme, sepse ju lejon të punoni me më shumë informata në të njëjtën kohë. Por, sa RAM memorie ju nevojitet? 4GB RAM memorie është e mjaftueshme nëse dëshironi të shëtisni në uebfaqe, dërgoni e=maila, të shikoni video në YouTube, etj. Por, nëse jeni dizajner grafik, apo gamer, atëherë ju rekomandojmë 8GB RAM.
