Qeveria amerikane ‘në bisedime me Facebook dhe Google’ për të parë nëse qytetarët po praktikojnë distancimin shoqëror - Bota Sot
Qeveria amerikane ‘në bisedime me Facebook dhe Google’ për të parë nëse qytetarët po praktikojnë distancimin shoqëror

Teknologji

Qeveria amerikane ‘në bisedime me Facebook dhe Google’ për të parë nëse qytetarët po praktikojnë distancimin shoqëror

Më: 19 mars 2020 Në ora: 23:23
Google

Qeveria amerikane është duke folur me gjigantët e teknoligjisë si Facebook dhe Google për të parë nëse të dhënat e vendndodhjes së përdoruesve mund të ndihmojnë në gjurmimin dhe ngadalësimin e përhapjes së COVID-19 .

Të dhënat do të ishin anonime dhe mund të lejojnë zyrtarët të shohin nëse grupet e njerëzve po mbajnë distanca të mjaftueshme nga njëri-tjetri, shkruan Daily Mail.

Zyrtarët dëshirojnë të shohin nëse kompanitë e sektorit privat mund të përpilojnë të dhënat në një mënyrë që do t’i lejonte ata të hartonin përhapjen e virusit vdekjeprurës.

“Ne po eksplorojmë mënyra që informacioni i grumbulluar i vendndodhjes mund të ndihmojë në luftën kundër COVID-19”, tha Johnny Luu nga Google në një deklaratë.

“Një shembull mund të jetë duke ndihmuar autoritetet shëndetësore të përcaktojnë ndikimin e distancës sociale”.

Ai tha se çdo partneritet me qeverinë “nuk do të përfshijë ndarjen e të dhënave në lidhje me vendndodhjen, lëvizjen ose kontaktet e ndonjë individi”.

Jon Crowcroft, krijuesi i FluPhone, një aplikacion i krijuar për të gjurmuar gripin në Britani të Madhe, tha që është e mundur të përdoren të dhëna anonime për të ndjekur COVID-19.

“Agjencitë e mbrojtjes shëndetësore mund ta përdorin atë për të grumbulluar të dhëna, të cilat mund të ndihmojnë në zvogëlimin e transmetimit”, tha Crowcroft.

Kjo do t’i lejonte studiuesit të zbulojnë ‘sa kohë mbijeton virusi në një sipërfaqe, çfarë pjesë e popullsisë janë transportues asimptomatikë dhe ku të synojnë burimet kritike mjekësore”.

Zyrtari shtoi se këto njohuri mund të ‘ndihmojnë zyrtarët e shëndetit publik, studiuesit dhe shkencëtarët të përmirësojnë të kuptuarit e tyre për përhapjen e Covid-19 dhe transmetimin e sëmundjes.

Sot mund të lexoni Shfletoni kopertinat