Ndryshimet kanë për qëllim që të inkurajojnë njerëzit të votojnë dhe ta bëjnë këtë me informacion të besueshëm, duke luftuar histori mashtruese për zgjedhjet.
Rrjetet sociale tashmë kanë nxituar për të ndaluar përhapjen e tregimeve të rreme për çështje të tilla si votimi përmes postës elektronike, të cilën shumë qytetarë amerikanë do të bëjnë për herë të parë,.
Mjetet e prezantuara rishtazi përfshijnë një qendër për informacion mbi votimin që merr hua nga përpjekjet e Facebook për të ndaluar informacionin e rremë rreth koronavirusit.
Qendra Covid-19 është parë nga miliarda, ka thënë Facebook, dhe mjetet e reja të votimit do të marrin kryesisht të njëjtën formë.
Pavarësisht përpjekjeve të tij, Facebook vazhdon të përballet me kritika të gjera rreth mënyrës se si trajton dezinformatat rreth zgjedhjeve dhe çështjeve të tjera.
Kompania në përgjithësi ka refuzuar të kontrollojë faktet e reklamave nga politikanët, dhe një kontroll dy-vjeçar i praktikave të saj të të drejtave civile fajësoi kompaninë për lënien e zgjedhjeve amerikane “të ekspozuar ndaj ndërhyrjes nga Presidenti dhe të tjerët që kërkojnë të përdorin dezinformata për të mbjellë konfuzion dhe shtypjet e votimit”.
