Punonjësit e “Google” në Shtetet e Bashkuara ka të ngjarë të lejohen të kthehen në zyrë në muajin Prill, tha kompania të mërkurën.
“Google” dhe kompani të tjera të teknologjisë që mbyllën zyrat e tyre në fillim të pandemisë po hapin gradualisht hapësirat e punës pasi vaksinat bëhen të disponueshme.
Punëtorët në “Google” do të kenë mundësinë të kthehen në Prill, u tha punonjësve Fiona Cicconi, zyrtarja kryesore e Google, në një email. Zyrat do të veprojnë me një kapacitet të kufizuar dhe rihapjet do të ndryshojnë nga shteti në shtet, bazuar në numrin e rasteve të koronavirusit në zonë, tha znj. Cicconi.
“Zyrat do të fillojnë të hapen në një kapacitet të kufizuar bazuar në kritere specifike që përfshijnë rritjen e disponueshmërisë së vaksinave dhe tendencat në rënie në rastet e Covid-19”, shkroi znj. Cicconi.
“Ne ju këshillojmë të merrni një vaksinë, megjithëse nuk do të jetë e detyrueshme të keni një në mënyrë që punonjësit të kthehen në zyrë.”
Punëtorëve që vendosin të kthehen do t’u kërkohet të mbajnë maska, të praktikojnë distancimin social dhe të kalojnë një studim shëndetësor, tha Google.
“Google” tha se nuk do ta ndryshonte muajin shtator, kur planifikon t’u kërkojë punonjësve në Shtetet e Bashkuara të kthehen në zyrë dhe se punonjësit mund të vazhdojnë të punojnë në distancë deri atëherë. Disa nga zyrat e Google në Azi dhe Lindjen e Mesme tashmë janë rihapur.
