Ministri i Sigurisë kibernetike në Japoni Yoshitaka Sakurada mori kritika kur tha se kurrë nuk kishte përdorur një kompjuter dhe tregoi se nuk kishte idenë se çfarë është USB.
Sakura, i cili është gjithashtu përgjegjës për Lojërat Olimpike të Tokios 2020, u përgjigj pyetjeve të deputetëve të pavarur dhe opozitës, njoftoi AP.
"I dhashë udhëzime këshilltarit tim, kështu që nuk ndezi kompjuterin," tha ai, duke shtuar se ishte i bindur se puna e tyre ishte e përsosur.
I pyetur rreth rrjetit elektrik dhe softuerëve që synojnë të dëmtojnë kompjuterët, Sakurada tha se USB nuk ishte përdorur kurrë, gjë që tregonte se nuk e dinte se çfarë ishte, tha agjencia.
Deputetët japonezë qeshën me mosbesim në përgjigjet e tij, të cilat u transmetuan nga mediat japoneze.
Ministrat në Japoni marrin pyetje parlamentare paraprakisht.