Tenisti spanjoll nuk ka hasur në vështirësi në duelin e tij në çerekfinale.
Rafael Nadal është gjysmëfinalisti i parë i Australian Open, pasi ka eliminuar 3-0 në sete tenistin amerikan, Frances Tiafoe, 6-3, 6-4 dhe 6-2.
Në gjysmëfinale numri dy i botës do të ndeshet me tenistin grek, Stefanos Tsitsipas, i cili më herët ka mundur spanjollin Roberto Bautista Agut, 3-1 në sete, 7-5, 4-6, 6-4, 7-6.
Në konkurrencën e femrave, Petra Kvitova ka arritur të kalojë në gjysmëfinale, pasi ka mposhtur 2-0 në sete 6-1 dhe 6-4, australianen, Ashleigh Barty.
Në gjysmëfinale, Kvitova do të përballet me amerikanen, Danielle Rose Collins.