Në një intervistë për mediat spanjolle, tenisti Rafael Nadal, numri 2 në botë, ka deklaruar se dominimi i tij, Novak Gjokoviqit dhe Roger Federerit do të përfundojë së shpejti. Në 15 vitet e fundit, këta të tre kanë fituar 52 Grand Slam, duke e monopolizuar këtë sport. “Asgjë nuk është e përjetshme. Ne të tre jemi në fazën përmbyllëse të karrierës tonë. Kjo është e sigurtë”, u shpreh Nadal. “Unë nuk e di saktësisht se kur do të tërhiqemi. Kur të largohem nuk do të mërzitem, pasi kam shumë aktivitete të tjera me të cilat merrem dhe për të cilat do të kem më shumë kohë”, tha Nadal.