Njeriu më i suksesshëm në historinë e tenisit, zvicerani Roger Federer është në përfundim të karrierës së tij dhe çdo pjesëmarrje e tij në turne të ndryshme mund të shihet si e fundit.
Mirëpo, ai ka befasuar me vendimin e tij për të marrë pjesë në turneun masters të Madridit, në të cilin ka munguar në dy vitet paraprake.
Sipas asaj që njofton organizatori i turneut, për zviceranin 37-vjeçar ky do të jetë turneu i parë i parë në fushat me dhe pas dy vjetësh, ndërsa do të jetë edhe si uverturë e turneut Grand Slam – Rolan Garos në të cilin nuk ka marrë pjesë që nga viti 2015.
Federer është tenisti i dytë më i suksesshëm në turneun e Madridit, pasi e ka fituar tri herë (për herë të fundit në vitin 2012), dy më pak se spanjolli Rafael Nadal.
Turneu i Madridit do të zhvillohet prej 3-12 maj, ndërsa pritet të marrin pjesë edhe Novak Gjokoviq e Rafael Nadal.
