Janë mbyllur sot ndeshjet e raundit të dytë të grand slam të US Open, turne që po zhvillohet në Nju Jork. Për shkak të pandemisë Covid-19, ndeshjet po luhen pa tifozë.
Te femrat, fiton tenistja amerikane Serena Williams, që mundi 2-0 (6-2, 6-4) rusen M.Gasparyan. Takim i dominuar nga “pantera e zezë”, që pati epërsi në fushë dhe avancon në raundin e tretë. Bashkë me të kualifikohet edhe tenistja tjetër amerikane Sofia Kenin, që mundi 2-0 (6-4, 6-3) kanadezen L.Fernandez.
Në raundin e tretë për femra shkojnë edhe bjellorusja Victoria Azarenka (2-0 ndaj patriotes së saj A.Sabalenka), hungarezja Tatiana Pironkova (2-0 ndaj spanjolles G.Muguruza), francezja Alize Cornet (2-0 ndaj belges Y.Bonaventure) e tenistja amerikane Madison Keys (2-0 ndaj spaniolles A.Bolsova).
Te meshkujt, vijon marshimin austriaku Dominic Thiem, numri 3 në botë, që mundi 3-0 (6-3, 6-3, 6-2) indianin S.Nagal, ndeshje që ishte një formalitet për austriakun. Eliminohet nga gara britaniku Andy Murray, ish-numri 1 në botë, që u mund 3-0 (6-2, 6-3, 6-4) nga kanadezi Auger Allassime.
