Fansat kanë përzgjedhur Roger Federer si tenistin e tyre të preferuar edhe për vitin 2020.
Një vlerësim ky për tenistin zviceran, që nuk luan prej janarit.
Ai është operuar dy herë gjatë këtij viti dhe shpreson të rikthehet në fushë më 8 shkurt, kur nis Australian Open.
“Po stërvitem fort për t’ia dalë mbanë, që të jem në fushë për turneun e Melburnit. Shpresoj që sa më shpejt të jetë e mundur të rikthehem në fushë dhe, mbi të gjitha, të luaj para publikut”, tha ai.
“Dy objektivat e mi për këtë vit janë Wimbledon dhe Tokio 2020”.
