Nadal e nis me këmbë të mbarë US Open

Tenis

Nadal e nis me këmbë të mbarë US Open

Më: 28 gusht 2018 Në ora: 14:19
Tenisti spanjoll

Tenisti spanjoll ka kaluar në raundin tjetër të grandslamit amerikan.

US Open ka nisur. Te meshkujt nuk ka pasur befasi në raundin e parë, ku Rafa Nadal e pati të thjeshtë ndeshjen kundër bashkombësit e mikut të tij, David Ferrer, i cili u tërhoq nga gara pa mbaruar seti i dytë.

Në raundin e dytë Nadal do të ndeshet me kanadezin Vasek Pospisil.

Ndeshje e shkëlqyer për Stanislas Wawrinkan, i cili kthehet në këtë turne për herë të parë, pasi e fitoi në vitin 2016, në finalen kundër Novak Djokoviq. Zvicerani mundi 3-0 me sete Grigor Dimitrovin, i cili u duk krejtësisht jashtë formës së tij më të mirë.

Fitore gjithashtu për Andy Murray, i cili vuajti disi kundër australianit James Duckworth. Pas humbjes së setit të parë 6-7, Murray arriti të fitonte tre të tjerat me rezultatet 6-3, 7-5, 6-3.

Befasi pati në konkurrencën e femrave, aty ku Simona Halep u eliminua nga Kaia Kanepi, 2-0 në sete, me rezultat 6-2 dhe 6-4.

Ndërsa Serena Williams dhuroi spektakël në ndeshjen kundër polakes Magdalena Linette, ku humbi gjithsej vetëm katër geme.

commentFirst article
Sot mund të lexoni Shfletoni kopertinat