Një i punësuar në Drejtorinë për të Ardhura Publike – Tetovë (DAP), sot rreth orës 12:30 është arrestuar nga zyrtarët policorë, për shkak të kërkimit dhe marrjes së ryshfetit. Ai është arrestuar në Gostivar.
Siç njoftojnë nga MPB, bëhet fjalë për një 38-vjeçarë, i cili si i punësuar në DAP – Tetovë, një personi nga Gostivari i ka kërkuar 300 euro që të mos i mbyllet objekti i tij, pasi ditë më parë ishin konstatuar parregullsi ligjore në objektin personi nga Gostivari e ka poseduar.
Mjetet e kërkuar së pari janë përpunuar nga krim-teknika dhe më pas i janë dhënë personit të punësuar në DAP.
I punësuari ka tentuar të lirohet nga paratë, por është kapur dhe parandaluar nga qëllimi i tij.
