Bjeshkatarët e Tetovës sërish kanë ngritur alarmin për prerjen e drunjve në Malin Sharr.
Në vendin e quajtur Jellak, janë parë drunj të prerë dhe të lënë në vend, të cilët bjeshkatarët i kanë fotografuar gjatë fundjavës dhe i kanë publikuar në rrjetet sociale, përcjell Telegrafi Maqedoni.
Nga Policia e Tetovës thonë se këtë vit janë më të pakta intervenimet në terren për shkak të gjendjes me coronavirusin.
Për vendin Jellak, ata thonë se është nën kompetenca të ndërmarrjes publike që merret me pyjet kombëtare. Ndërsa nga kjo ndërmarrje nuk u përgjigjën për mediat, duke i drejtuar ata tek Qeveria.
Ndryshe, më 5 maj të këtij viti Qeveria njoftoi se ka marrë vendim për ta pranuar iniciativën për shpallje të Malit Sharr për park kombëtar, që sipas tyre do të parandalojë prerjen ilegale të drunjve.
