Dy edukatore nga objekti i kopshtit “Teteks” në Tetovë janë regjistruar si të infektuara me Kovid-19, ndërsa grupet e tyre me fëmijë dhe koleget janë izoluar në shtëpi. Drejtoresha e Institucionit publik komunal kopshtet e fëmijëve “Rinia”, Ramije Dauti thotë se të dy koleget janë mirë me shëndet, si dhe fëmijët nga grupet e tyre që nuk kanë shfaqur simptoma.
“Nuk ka probleme më të mëdha. Nuk është një sëmundje që përhapet vetëm në kopshte. Ata mund të sëmuren edhe në shtëpi. Një grup është i izoluar, ne kemi pasur dy fëmijë këtu dhe të dy fëmijët janë në shtëpi. “Unë e kam kontaktuar si stafin ashtu edhe prindërit e fëmijëve dhe ata të gjithë kanë konfirmuar se aktualisht janë mirë”, tha Ramije Dauti.
Në qershor, kur u realizua skriningu tek të punësuarit në kopshte, nuk kishte raste pozitive.
Në objektet e IPKKF “Rinia” në Tetovë, sipas protokolleve për punë në kushte pandemie me Kovid-19, është mundësuar kujdes për 200, ndërsa pasi fillimit me punë, erdhën 98 fëmijë.
Sipas informacionit të Ministrisë së Shëndetësisë, rajoni i Tetovës deri më tani ka gjithsej 1387 të diagnostikuar me Kovid-19, nga të cilët 168 persona janë të sëmurë aktivë. Gjithsej 1134 njerëz janë shëruar, ndërsa ka gjithsej 85 vdekje për shkak të Kovid-19.
