SPB Tetovë informon se gjatë 24 orëve të kaluara, sipas statistikave të tyre, në periudhën (19.11./20.11.) për mos mbajtjen e maskave mbrojtëse, gjithsej 183 personave (TE-68 dhe GV-115) u janë lëshuar urdhëresa pagese për kundërvajtje, në përputhje me nenin 6 nga Dekreti përkatës i qeverisë.
Gjatë kësaj periudhe, nga Inspektorati Shtetëror Sanitar dhe Shëndetësor, në rajonin Tetovë-Gostivar, janë përgatitë vendime të reja për izolim për 123 (TE) dhe 41 persona (GV).
Kurse janë kryer kontrolle ndaj 1552 personave (TE-1025 dhe GV-527) me vendime të tilla dhe është konstatuar se një person në Tetovë nuk e respektoi vendimin e dhënë.
