Vitin e kaluar në rajonin e Tetovës 1.059 vizita te mjeku amë për shkak të sëmundjeve malinje

Tetova

Vitin e kaluar në rajonin e Tetovës 1.059 vizita te mjeku amë për shkak të sëmundjeve malinje

Më: 4 shkurt 2021 Në ora: 15:13
Foto Ilustrim

Gjatë vitit 2020, Shërbimi për Mjekësi Sociale dhe Statistikë pranë Qendrës së Shëndetit Publik në Tetovë shënoi 1.059 vizita te mjeku amë në bazë të neoplazmës – sëmundje malinje e ndonjë organi.

Bëhet fjalë për numër të përgjithshëm prej 1.059 vizita te mjeku amë në rajonin e Tetovës te të cilët një pjesë e tyre kanë të bëjnë për persona me sëmundje të sapodiagnostikuar malinje, por edhe i të sëmurëve tashmë ekzistues për shkak të kontrolleve dhe recetave.

“Në evidencën e mjekëve amë për sëmundje malinje të cilat i kanë dorëzuar në Qendrën e Shëndetit Publike, dominojnë sëmundje të gjirit, në vendin e dytë janë ato të organeve të frymëmarrjes dhe në vendin e tretë të traktit digestiv”, informojnë nga Shërbimi për Mjekësi Sociale dhe Statistikë.

Prej atje potencojnë se numri është vetëm rrëfim i vizitave te mjekët amë përderisa nuk janë evidentuar sëmundje malinje të konstatuara në Spitalin Klinik në Tetovë dhe klinikat dhe spitalet e tjera publike dhe private.

Sot më 4 shkurt organizatat shëndetësore e shënojnë Ditën Botërore të Kancerit , me qëllim ngritjen e vetëdijes dhe parandalimit të miliona rasteve të vdekjes.

“Kanceri është sëmundje e cila paraqitet kur ndryshimet në grupin e qelizave normale në organizëm shkaktojnë rritje të pakontrolluar, abnormale, duke formuar një gungë të quajtur tumor. Tumoret mund të ndahen në tre grupe: benigne, malinje dhe prekanceroze. Në botë 9,6 milionë njerëz vdesin nga kanceri për çdo vit”, thuhet në raportin e Institutit të Shëndetit Publike me rastin e ditës së sotme.

Motoja e shënimit të Ditës Botërore të Kancerit këtë vit është “Unë jam dhe Unë do të”.

commentFirst article
Sot mund të lexoni Shfletoni kopertinat