Tetovë, digjet një banesë në afërsi të objektit të vjetër të UT-së

Tetova

Tetovë, digjet një banesë në afërsi të objektit të vjetër të UT-së

Më: 15 mars 2021 Në ora: 15:03
Foto ilustrim

Një banesë është djegur tërësisht në afërsi të objektit të vjetër të Universitetit të Tetovës, ndërsa disa persona kanë kërkuar ndihmë mjekësore, si pasojë e frymëmarrjes së rënduar nga tymi, raporton Alsat.

Zjarri ka shpërthyer rreth orës 12:30 min, ndërsa në banesë nuk ka pasur banorë në momentin e shpërthimit të zjarrit, por përhapja e tymit nëpër pallat, ka bërë që të ndjehen keq banorët e hyrjeve tjera.

NJTZ ka intervenuar me tre makina kundër zjarrit dhe 9 zjarrfikës me ç’rast fillimisht janë evakuuar gjithë banorët e pallatit, ndërsa më pastaj, është lokalizuar edhe zjarri që ka shpërthyer në banesë. Sipas informatave të para, shkak i zjarrit ka qenë ngrohësja elektrike.

“Shumë shpejt zjarrin e kemi futur nën kontroll dhe kemi bërë evakuimin e banorëve nga banesat. Mendoj që u bë gjithçka ashtu siç duhet sepse nuk lejuam flakët e zjarrit të depërtojnë edhe nëpër banesa tjera”, tha Uka Aliti. komandant i NJTKZ.

Shfaq komentet
comments powered by Disqus
Sot mund të lexoni Shfletoni kopertinat