Sërish defekt në ujësjellësin e Tetovës, do të ketë kufizime në furnizimin e qytetit me ujë

Tetova

Sërish defekt në ujësjellësin e Tetovës, do të ketë kufizime në furnizimin e qytetit me ujë

Më: 16 mars 2021 Në ora: 12:00
Foto ilustrim

Ndërmarrja Publike Komunale “Tetova” i informon qytetarët se sërish është paraqitur problem në furnizimin e qytetit me ujë nga linja e Leshnicës.

Nga NPK “Tetova” thonë se defekti ka ardhur si rezultat i tërmeteve të fundit, të cilët kanë shkaktuar rrëshqitje të dheut dhe është paraqitur defekt në gypin kryesor fi-500.

“Si rezultat dridhjeve sizmologjike të tokës (tërmet) kemi rrëshqitje të dheut në linjën e Leshnicës ku është paraqitur defekt në gypin kryesor fi-500. Momentalisht në rezervuarët e qytetit pëson rënie drastike në një mesatare prej 150 l/s, gjithashtu nga sot kemi aktivizuar edhe katër bunarë që gjenden në qytetin Tetovës”.

“Me qëllim të furnizimit të barabartë me ujë për pije në të gjitha pjesët kritike të qytetit deri në sanimin e defektit, Ju informojmë se nga sot (e Martë) 16.03.2021 NPK “TETOVA” Tetovë jemi të detyruar që të fillojmë me restrikcion të ujit për pije nga edhe atë nga ora 08:30 deri 11:30 si dhe pasdite nga 15:00 deri 18:00, kurse nga mesnata nga ora 00:00 deri në orën 05:00. Ky restriksion do të vlej deri në sanimin e defektit në linjën kryesore të Leshnicës”, (sic) thuhet në njoftimin e NPK “Tetova”.

Ndryshe, edhe ditë më parë për shkak të rrëshqitjes së dheut dhe defektit që u shkaktua në gypat në linjën e Leshnicës, qytetarët e Tetovës me ditë të tëra ishin pa ujë për pije.

commentFirst article
Sot mund të lexoni Shfletoni kopertinat