Sot ekspertët gjermanë kanë arritur në Spitalin Modular në Tetovë, i cili më 8 shtatorë u shkrumbua nga zjarri dhe si pasojë vdiqën 14 persona dhe u lënduan 12 pacientë.
Në Spitalin Modular ata janë parë duke arritur me mjete për punë dhe valixhe.
Ekipi gjerman përbëhet prej katër ekspertësh, ku siç kanë njoftuar nga Qeveria kohë më parë, dy prej tyre janë për hetim të zjarrit dhe dy për matje laserike të hapësirave dhe për fotografim.
“Dy ekspertë janë të krim-forenzikës për hulumtim të zjarreve dhe dy ekspertë të krim-forenzikës për matjen laserike të hapësirave dhe për fotografim. Në Ministrinë e Punëve të Brendshme tashmë po përgatitet ndihmë adekuate në formë të mjeteve, skicave, planeve dhe informacioneve të tjera relevante të cilat mund të ndihmë në verifikimin e përbashkët të fakteve”, thanë ditë më parë nga Qeveria.
Ky ekip i ekspertëve pritet të qartësojë dilemat se si erdhi deri te shkaktimi i zjarrit.
