Studentë, nxënës dhe prindër kanë protestuar në Tetovë duke kërkuar ulje të tarifave studentore, largim të profesorëve që kushtëzojnë notën me blerje librash, dhe heqjen e pagesës për praktikën dhe ekskursionet shkencore.
Protesta e studentëve nga sheshi i qytetit ka vazhduar te Universiteti i Tetovës. Atje studentët u ndaluan nga policia që të futen në oborrin e UT për të shprehur pakënaqësinë e tyre.
“Studentët kanë marshuar për gjatë gjithë rrugës së Ilindenit e deri tek UEJL, e më pas u kthyen për të hyrë përpara rektoratit të universitetit të Tetovës, por, siç edhe mund të shihni, në derën hyrëse ata hasën në kordonin e Policisë, dhe nuk u lejuan të futen brenda”, thanë protestuesit.
Studentët kanë paralajmëruar se do ta vazhdojnë protestën e tyre edhe në ditët e ardhshme përpara Universitetit të Tetovës.
