Një 27-vjeçar nga Tirana është proceduar penalisht në kuadër të kontrolleve kundër lojërave të fatit.
Shërbimet e Policisë të Komisariatit Nr. 3, proceduan në gjëndje të lirë shtetasin: – F. Sh., 27 vjeç, banues në Tiranë, si dhe në cilësinë e provës materiale u sekuestrua 1 tavolinë pokeri.
Në rrugën “Myslym Shyri” gjatë kontrollit të ushtruar në lokalin e këtij shtetasi u gjet një tavolinë pokeri e cila u sekuestrua në cilësinë e provës materiale.
Kontrollet kundër aktivitetit të lojërave të fatit do të vijojnë në gjithë qarkun Tiranë deri në ndëshkimin me ashpërsi të subjektit të fundit që ushtron këtë aktivitet anti-ligjor. Policia e Shtetit fton këdo të denoncojë falas në numrin 112 ose përmes aplikacionit “Komisariati Dixhital”, çdo veprimtari të tillë të kundraligjshme.