Një tjetër ndërtim pa leje është shembur në kryeqytet. Bëhet fjalë për një objekt të ndërtuar shumë vite më parë si hotel pas 15-katëshit.
Veliaj e cilëson si çibanin e fundit që po prishet në Tiranë pas pastrimit të Lanës dhe Parkut Rinia në kohën e Ramës. Në vendin që ndodhej hotel Vjosa që po shembet, do t’i hapet rruga stacionit të autobusit
“Çibani i fundit! Kur Edi Rama nisi pastrimin e Tiranës, qendra e kryeqytetit, Lana dhe Parku Rinia kishin 1,000 + ndërtime pa leje! Pas 15 viteve pastrim (pa mandatin e gjumit) sot largohet dhe karakatina e fundit nga Sheshi Skenderbej për t’i hapur rrugë stacionit të autobusit” shkruan Veliaj.
