Tiranë, sekuestrohet pasuria 2.2 milionë euro e dy vëllezërve

Tirana

Tiranë, sekuestrohet pasuria 2.2 milionë euro e dy vëllezërve

Më: 7 mars 2019 Në ora: 13:48
Foto

Sekuestrohen nëntë apartamente, dy dyqane dhe një garazh, pasuri këto të dyshuara të përfituara nga të ardhura të rrjedhura nga aktiviteti kriminal.

Pasuritë janë në pronësi të dy vëllezërve, A. G., 44 vjeç dhe A. G., 47 vjeç. Operacioni policor u kodua "Vllazëria" dhe kapin vlerën e mbi dy milion euro

"Seksioni për Pastrimin e Parave në DVP Tiranë, në bashkëpunim me Prokurorinë e Rrethit Gjyqësor Tiranë në funksion të procedimit penal të vitit 2018 “Pastrimi i produkteve të veprës penale ose veprimtarisë kriminale”, në ngarkim të shtetasve A. G., 44 vjeç dhe A. G., 47 vjeç (vëllezër), finalizoi operacionin policor të koduar “Vllazëria”, në kuadër të të cilit u bë ekzekutimi i vendimit të Gjykatës dhe sekuestrimi preventiv i : - nëntë apartamenteve

- dy dyqaneve - një garazhi (të ndodhura në qytetin e Tiranës dhe Durrësit të cilat kapin vlerën e dy  milion e dyqindmijë euro)" thuhet në njoftimin e policisë së Tiranës

Policia informon se pas një pune disa mujore në funksion të procedimit të rregjistruar duke përdorur metodat speciale të hetimit, janë identifikuar pasuri të cilat nuk justifikoheshin nga ana ekonomike e financiare dhe rridhnin nga aktiviteti kriminal i dy vëllezërve.

commentFirst article
Sot mund të lexoni Shfletoni kopertinat