Banorët e “Astirit” të vendosur: Nuk lëvizim derisa të largohet Rama

Tirana

Banorët e “Astirit” të vendosur: Nuk lëvizim derisa të largohet Rama

Më: 9 mars 2019 Në ora: 22:01
Klevis Balliu

Kanë më shumë se 3 muaj që protestojnë çdo ditë, por sërish duken të vendosur ti shkojnë deri në fund kauzës së tyre.

Dhjetëra banorë të Unazës së Re në Tiranë deklarojnë se nuk kanë  ndërmend të shkulen nga aty derisa çështja e tyre të triumfojë. Ata i kanë bërë thirrje kryeministrit Rama që të anulojë projektin që iu prish shtëpitë dhe bizneset.

“Të jemi të bashkuar për t’i dhënë fund bandës së qeverisë. Turp për ata banorë të Astirit që nuk na bashkohen. Ne protestojmë në mënyrë paqësore. Ministrat e Ramës të gjithë miliarderë. Nuk do përulemi para askujt.

Shteti nuk funksionon, populli duhet të marrë në dorë fatet e tij. Policia e shtetit po na provokon. Ne dalim këtu për të mbrojtur shtëpitë tona. Nuk do lëvizim derisa të largohet Rama”, u shpreh një prej banorëve.

Si çdo ditë, edhe sot banorët u mbështetën nga ish-deputeti i PD, Klevis Balliu.

commentFirst article
Sot mund të lexoni Shfletoni kopertinat