Bashkia e Tiranës ka rehabilituar lulishten e konvikteve të Mjekësisë, duke shtruar infrastrukturë me elementë urban si dhe dekorimin e lulishtes dhe ambientit përreth.
Studentët do të përfitojnë një hapësirë çlodhëse falë investimit të bashkisë së Tiranës tek lulishtja e Konvikteve e Mjekësisë.
“Po i japim dorën e fundit punimeve tek lulishtja e Konvikteve të Mjekësisë, e cila iu nënshtrua rehabilitimit të terrenit, shtimit të infrastrukturës së nevojshme dhe elementëve të tjerë urban. Studentët me një hapësirë të këndshme e çlodhëse, ku edhe mund të studiojnë më pranë me natyrën”, shprehet bashkia.
