Xhaçka blindon Rinasin, vendos efektivë të Policisë Ushtarake dhe FA-së në aeroport

Tirana

Xhaçka blindon Rinasin, vendos efektivë të Policisë Ushtarake dhe FA-së në aeroport

Më: 10 prill 2019 Në ora: 17:18
Olta Xhaçka

Ministrja e Mbrojtjes, Olta Xhaçka në një deklaratë për mediat referuar grabitjes së 10 milion eurove ditën e djeshme në Rinas, brenda një avioni u shpreh se ka urdhëruar që në perimetrin e sigurisë së aerportit “Nënë Tereza” të vendosen efektivë të Policisë Ushtarake dhe Batalionit Special të Forcave të Armatosura.

Xhaçka: Në kushtet e një papërgjegjshmërie të përsëritur të koncesionarit për të respektuar detyrimet e tij ligjore për garantimin e sigurisë së aeroportit, kam urdhëruar që në perimetrin e sigurisë së aerportit “Nënë Tereza” të vendosen efektivë të Policisë Ushtarake dhe Batalionit Special të Forcave tona të Armatosura. 

Kjo është një praktikë, që zbatohet sot në thuajse çdo kryeqytet europian, ku njësi të Forcave të Armatosura vendosen në mbështetje të kolegëve të tyre të Policisë, me qëllim, garantimin e sigurisë së objekteve të rëndësisë së veçantë dhe mbi të gjitha, me qëllim garantimin e sigurisë së qytetarëve.

Po ashtu, duke qenë që në një distancë fare të shkurtër nga Aeroporti i Rinasit ndodhet e vendosur edhe Komanda Ajrore e Forcave të Armatosura, kam urdhëruar që edhe Policia Ushtarake të dislokohet në këtë komandë, duke ju bashkuar kështu Policisë së Shtetit për ta mbështetur atë në garantimin e sigurisë së aeroportit.

commentFirst article
Sot mund të lexoni Shfletoni kopertinat