Nesër dhe pasnesër në Tiranë do të mbahet samiti me pjesëmarrjen e liderve të Ballkanit Perëndimor të oraganizuar nga presidenti Ilir Meta. Por ky aktivitet do të shoqërohet me protesta nga Lëvizja Vetëvendosje, kundër presidentit të Serbisë Aleksandër Vuçiç dhe kreut të serbëve të Bosnjes, Milorad Dodik.
Të mërkurën dhe të enjtën në Tiranë, do të mbahet Samiti i Brdo-Brijunit, që zhvillohet nga viti 2010 në secilën prej shteteve anëtare të Ballkanit Perëndimor.
Samiti zhvillohet me ftesë të presidentit Ilir Meta, ndërsa do të marrin presidenti serb Aleksandër Vuçiç, ai i Kosovës Hashim Thaçi, Presidenti i Malit të Zi Milo Đukanović, Presidenti i Maqedonisë Gjorge Ivanov dhe anëtarët e Kryesisë së Presidencës së Bosnje-Hercegovinës.
Samiti i Brdo-Brijunit, përkon me Javën e Europës dhe për këtë arsye pjesë e tij do të jetë edhe shefja e politikës së Jashtme të Bashkimit Europian, Federica Mogherini.
Por liderët e Ballkanit Perëndimor, veçanërisht ai i Serbisë Aleksandër Vuçiç dhe kreu i serbëve të Bosnjes, Milorad Dodik, do të pritet me protesta në Tiranë nga Lëvizja Vetëvendosje.
"Kush janë Vuçiç dhe Dodiku? Këta janë dy politikanë udhëheqës serb që kanë një të kaluar dhe të tashme kriminale. Ata nuk kanë shprehur asnjë pendesë për krimet e tyre në luftrat që janë zhvilluar qoftë në Kosovë, qoftë në Ballkan.Ata i mohojnë masakrat që kanë ndodhur në luftrat që janë zhvilluar, e shpallin hapur armiqësinë e tyre ndaj kombit shqiptar, ndaj Kosovës dhe shqiptarëve në përgjithësi".
Protesta e Lëvizjes Vetëvendosje do të zhvillohet të mërkurën në orën 18:00, si tubim paqësor që do nisë nga lulishtja "Vëllezërit Frashëri" përgjatë bulevardit deri tek hoteli ku janë akomoduar liderët e Ballkanit Perëndimo
