Rreth 30 mijë studentë të Universitetit të Tiranës janë thirrur në votim ditën e enjte për të zgjedhur anëtarin që do t`i përfaqësojë në Bordin e Administrimit.
Majlinda Keta: Tre figura që janë të vetë ofruara sipas kritereve që ka VKM-ja përkatëse. Janë Denada Toçe, Florjan Binaj dhe Llesh Lleshaj.
Kryetarja e Komisionit Institucional të Zgjedhjeve Majlinda Keta shprehet se votimi do të nisë në orën 8 dhe do të përfundojë në orën 18:00 në 6 Fakultete.
Majlinda Keta: Është në gatishmëri e gjithë infrastruktura elektorale, mbështetur nga administrimi i UT janë komisionet zgjedhore dhe qendrat zgjedhore.
Por pavarësisht numrit të votave që do të marrin kandidatët në garë, do të jetë Ministrja e Arsimit ajo që do të zgjedhë anëtarin e saj të tretë në Bordin e Administrimit.
Majlinda Keta: Nëse do të ishte procesi i votimit i papërfshirë do të kishte sens ashtu si kanë ardhur dy zonja të nderuara që janë pjesëtare në bordin e administrimit në UT. Nëse konsumohet vota e 30 mijë votuesve dhe votuesit shkojnë drejt një emri përkatës, unë jam e bindur që edhe përse është shkruar ashtu nuk është e drejtë, ministrja do të vendosë që më i votuari do të jetë dhe përfaqësuesi.
Aktualisht janë zgjedhur dy anëtare të Bordit, përfaqësues të Ministrisë së Arsimit, Enida Bezhani dhe Laureta Omeri. Në Universitetin e Tiranës ky proces do të duhej të ishte mbyllur disa muaj më parë por është shtyrë për shkak të mungesës së kandidatëve.
