Kryeministri i Shqipërisë Edi Rama ka nisur letrën e tretë publike në tre ditët e fundit drejtuar kryetarit të Partisë Demokratike Lulzim Basha. Krahas ftesës për dialog politik kryetari i qeverisë shkruan se zgjedhjet në 30 qershor do të zhvillohen dhe se nuk ka ndryshim qeverie pa zgjedhje. Basha nga ana tjetër ka refuzuar dialogun me Ramën. Ai për nesër ka bërë thirrje për protestë tjetër masive. Në mesazhin e tij Basha thotë: të gjithë në Tiranë, për të treguar vendosmërinë tonë për liri, për demokraci, për zgjedhje të lira e një qeveri nga populli, të popullit dhe për popullin, për Shqipërinë si e gjithë Europa.
