Në kërkim prej një viti, 23 vjeçari arrestohet në Tiranë pas njoftimit të policisë nga qytetarët - Bota Sot
Në kërkim prej një viti, 23 vjeçari arrestohet në Tiranë pas njoftimit të policisë nga qytetarët

Tirana

Në kërkim prej një viti, 23 vjeçari arrestohet në Tiranë pas njoftimit të policisë nga qytetarët

Më: 23 gusht 2019 Në ora: 11:47
Albert Gjonpalaj

Një 23 vjeçar që ishte në kërkim nga policia është arrestuar në flagrancë pasi është raportuar nga qytetarët. Albert Gjonpalaj lindur dhe banues në Tiranë, ishte dënuar më parë për veprën penale “Vjedhja me dhunë”, ndërsa ishte në kërkim për veprën penale ”Vrasja me dashje, e mbetur në tentativë” në bashkëpunim dhe ”Prodhimi dhe mbajtja pa leje e armëve luftarake dhe municionit”.

Policia është njoftuar nga qytetarët për një person në kërkim, i cili ndodhej në një lokal në rrugën “Teodor Keko” në kryeqytet, dhe dyshohej se kishte armë zjarri me vete. Pasi ka mbërritur në lokal, policia ka bërë të mundur arrestimin e Gjonpalajt.

Në momentin e kapjes, 23 vjeçari kishte me vete në çantën e dorës një armë zjarri pistoletë, me 5 fishekë luftarakë.

Më 13.05.2018, në bulevardin “Bajram Curri” në Tiranë, Gjonpalaj, në bashkëpunim me Xh.H., akuzohen se pas një konflikti të çastit kanë plagosur shtetasin A. B.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...