Banesa e Xhevdet Xhelekut në Petrelë është një ndër shtëpitë që po rindërtohet pas dëmeve të shkaktuara nga tërmeti i 21 shtatorit.
Kryetari i bashkisë Tiranë, Erion Veliaj teksa vizitoi familjet e prekura theksoi se banorët do të hyjnë në shtëpitë e reja brenda muajit dhjetor.
Veliaj: Po vazhdojmë me procesin e adoptimit të shtëpive pothuajse në të gjitha fshatrat e Tiranës. Besoj se shumica e familjeve, përfshirë edhe familjet e Xhevdetit, vitin e ri do ta hamë në shtëpinë e re.
Kryebashkiaku deklaroi se punonjësit janë në terren dhe në krah të njerëzve në nevojë.
Veliaj: Sa të presim ne jo ndërkombëtarë, jo ndihma, ato janë të mirëpritur. Por i zoti e nxjerr gomarin nga balta. Do fillojmë vetë rindërtimin e shtëpive, sidomos në zonat e fshatit, ku shtëpitë janën monofamiljare dhe një kulm i prishur shkatërron jetën e një familjeje.
Për Veliajn, ngjarjet e ditëve të fundit tregojnë që Tirana di tia dalë edhe në momente të vështira.
Në Petrelë, Veliaj shoqërohej nga deputetët Xhemal Qefalia dhe Mimi Kodheli.
