Kryetari i Bashkisë, Erion Veliaj, ka reaguar për fitimin e titullit kampion nga Tirana.
Numri një i kryeqytetit ka shkruajtur në Twitter se do të ketë një nderim për klub bardheblu, por dhe shpërblim për klubin e Refik Halilit.
Veliaj ka premtuar se në mbledhjen e nesërme të Këshillit Bashkiak do të akordohet një shpërblim për klubin e Tiranës. Kryeqytetasit fituan për të 25 herë në histori trofeun më të rëndësishëm në histori.
“Është super lajm që trofeu i Kampionatit qëndron në Tiranë dhe sa bukur për Tironën tonë në 100-vjetorin e Kryeqytetit e Klubit bashkë.
Po siç e do zakoni, urimet nuk bëhen duarbosh, ndaj nesër në Këshillin Bashkiak bashkë me urimin dhe shpërblimi për kampionët”, shkruan Veliaj.