100 vjet Tirana kryeqytet/ Arkiva ekspozon dokumentet dhe foto të Tiranës ndër vite

Tirana

100 vjet Tirana kryeqytet/ Arkiva ekspozon dokumentet dhe foto të Tiranës ndër vite

Më: 31 gusht 2020 Në ora: 16:08
Foto

Në kuadër të 100 vjetorit të Tiranës si kryeqytet, Drejtoria e Përgjithshme e Arkivave ka ekspozuar në ambientet e jashtme të saj një ekspozitë e cila do të jetë e afërt për sytë e çdo qytetari.

Momente kyçe të jetës politike, zhvillimet e ekonomike, tendencave të stileve arkitekturore dhe zhvillimit urbanistik, fryma kulturore dhe artistike dalin ne pah ne këtë ekspozitë që çdo kalimtar aty e sheh.

“Nuk kemi bëre atë ekspozitën standarde që e bëjmë me njoftime në baze të një date historie. E kemi nisur me 100 vjetorin e pavarësisë, për shkak se jemi edhe në 100 vjetorin kryeqytet. Kjo që kemi sjellë për publikun do te jetë çdo muaj me nga një ekspozitë ndryshe në bazë të një date të caktuar historike.”

Në këto stenda të vendosura në muret e jashtme të institucionit ka fotografi dhe ngjarje te periudhës midis dy luftërave.

“Sapo kemi përfunduar një ekspozitë në Pogradec. Më 2 shtator kemi një ekspozitë tjetër së bashku me muzeun historik dhe muzeun e pavarësisë në Vlorë, për luftën e Vlorës. Duke përmbushur rregullat strikte”

Në ekspozitë përfshihen po ashtu edhe vendime të këshillit të përhershëm të Bashkisë së Tiranës, lista e anëtarëve të Këshillit Bashkiak, foto të kryetarëve të Bashkisë së Tiranës, foto nga godina të institucioneve, hapësirave publike, ndërtimet e reja etj.

Shfaq komentet
comments powered by Disqus
Sot mund të lexoni Shfletoni kopertinat