“Një moment dramatik”/ Mediat britanike shkruajnë për 32-vjeçarin që tmerroi Tiranën

Tirana

“Një moment dramatik”/ Mediat britanike shkruajnë për 32-vjeçarin që tmerroi Tiranën

Më: 26 prill 2021 Në ora: 13:22
Terrori i djeshëm në Tiranë

“Daily Mail” i ka kushtuar një shkrim ngjarjes së ditës së djeshme, ku një 32-vjeçar i identifikuar si Arben Mema, hyri në sheshin “Skënderbej” me makinë, duke rrezikuar jetën e qytetarëve.

Shkrimi i plotë i "Daily Mail":

Ky është momenti dramatik kur një shofer goditet nga një kalimtar përmes xhamit të makinës, pasi po ngiste si i “çmendur” në një shesh këmbësorësh në Shqipëri. Një makinë shihet teksa ecën me shpejtësi në mes të sheshit publik – aty ku makinat nuk janë të lejuara.

Ngjarja ka ndodhur dje në kryeqytetin e Shqipërisë, Tiranë. Dëgjohen zhurma të forta që vijnë nga gomat ndërsa frenojnë fort në tullat e sheshit.

Një numër i madh i këmbësorëve shihen teksa përpiqen që t’i afrohen makinës për të ndaluar shoferin, i cili tregon pak kujdes për njerëzit që janë aty.

Image

Dera nga ana e shoferi shihet duke u hapur, madje një person është në gjendje që të kapë shoferin. Por edhe pse janë shumë njerëz që ndjekin makinën, shoferi vijon të përpiqet që të largohet nga vendi i ngjarjes duke u kthyer me shpejtësi.

Sidoqoftë, shoferi u ndalua pasi një kalimtar u hodh përmes dritares së makinës së tij. Goditja e këtij të fundit bëri që shoferi të shpërqendrohej, dhe kalimtarët e tjerë ndihmuan në ndalimin e tij plotësisht.

Policia më vonë bëri të mundur arrestimin e shoferit 32-vjeçar, i cili me makinën e tij kishte lëvizur në mënyrë të çrregullt në sheshin “Skënderbej”, ku njerëzit rrinin në radhë për të marrë një dozë të vaksinës Covid-19.

Policia shqiptare mendon se ai ka qenë duke i dhënë makinën nën efektin e drogës.

Image
Shfaq komentet
comments powered by Disqus
Sot mund të lexoni Shfletoni kopertinat