Zonat informale dhe rurale do të jenë këtë vit në qendër të investimeve nga ana e Bashkisë së Tiranës. Kryebashkiaku Erion Veliaj teksa ka inspektuar punimet e rrugës “Selaudin Bekteshi” në njësinë numër katër u ndal tek modernizimi i Tiranës.
Erion Veliaj, kryetar i Bashkisë: Kemi ecur në një 2 vjeçar fantastik për Tiranën, ku qeveria qendrore ka mbajtur premtimin për legalizimet, ndërsa qeveria lokale po mban premtimin për urbanizimin. Që legalizimi e urbanizimi të ecin bashkë, është ndoshta formula më ideale se si modernizohet sot Tirana. Ndaj, fillojmë sot një rrugë të re.
Materiali i filmuar u shpërnda për mediat nga zyra e shtypit e bashkisë, sipas së cilës Veliaj u ndal edhe tek zhvillimi i planit urbanistik dhe organizimi i qendrave policentrike.
Erion Veliaj, kryetar i Bashkisë: Nuk mund të kemi qendra policentrike, nëse nuk ka infrastrukturë. Por është shumë e rëndësishme që e gjithë infrastruktura bazë, kanalizimet, rruga, ujësjellësi të funksionojnë paralelisht.
Kryebashkiaku ka ripërsëritur se investimet e kryera deri me tani po rrisin vlerën e pronës.
