Jean-Claude Juncker, Presidenti i KE, ka mbërritur në Tiranë bashkë me Johannes Hahn Komisioneri për Zgjerim të Bashkimit Evropian. Të dy, të shoqëruar nga Romana Vlahutin, ambasadorja e BE-së në Tiranë, po zhvillojnë një takim me kryeministrin Edi Rama, në ambientet e kryeministrisë, ku mbërritën rreth orës 18:00.
Në orën 19:15 pritet një konferencë e përbashkët për shtyp e kryeministrit shqiptar me Jean-Claude Juncker.
Sipas axhendës, Juncker Hahn do të qëndrojë në Shqipëri deri mesditën e së hënës, ndërsa do të zhvillojnë takime me drejtuesit më të lartë të shtetit.
