Një tjetër korsi për biçikleta në Tiranë drejt fundit - Bota Sot
Një tjetër korsi për biçikleta në Tiranë drejt fundit

Tirana

Një tjetër korsi për biçikleta në Tiranë drejt fundit

Më: 2 prill 2018 Në ora: 13:28
Tiranë

Një tjetër korsi për biçikleta po përfundon në Tiranë dhe bëhet fjalë për atë tek Liqeni, i cili do të jetë gati shumë shpejt.

Një prej tyre është edhe ai për një nga projektet më të rëndësishme për rigjallërimin e Parkut të Liqenit, ndërtimi i një piste të posaçme për çiklistët që preferojnë pedalimin në natyrë dhe freskinë e liqenit. Madje në pjesë të veçanta ky projekt ka përfunduar, ndërsa është drejt fundit edhe në disa segmente të tjera të tij.

Kryetari i bashkisë së Tiranës, Erion Veliaj ka publikuar një foto nga korsia e re e biçikletave që përshkon dhe një nga pjesët më panoramike të parkut. Pista e biçikletave në Parkun e Madh të Liqenit përmban dy korsi kalimi, të pavarura nga pjesa e shëtitores.

Itinerari i biçikletave është shtrirë në zona më pak të populluara të liqenit, pikërisht për t’i bërë të aksesueshme edhe këto zona. Gjerësia e këtij itinerari do të jetë 2 m dhe 5600 ml i gjatë duke krijuar një qark të mbyllur.

Sot mund të lexoni Shfletoni kopertinat