Më e vizituara në juglindje të vendit, Korça mbetet destinacion gjithëvjetor për vizitorët vendas dhe të huaj. Nuk është vetëm qyteti i Korçës me arkitekturën e tij të veçantë, muzet e shumtë, kulinaria krejt tradicionale, argëtimi rinor dhe pasionant me serenatat e famshme, një jetë pa komlekse e paragjykime, ato që e bëjnë vizitorin të ndihet i lirë për disa çaste, por janë dhe vendet piktoreske rreth qytetit me peizazhet e tyre të papërsëritshme ku të japin mundësinë të njihesh me natyrën, historinë, kulturën, por dhe me sportet alpine, si ato të skive apo ngjitjeve malore.
Të vizitosh Korçën nuk mund të lësh pa parë Voskopojën, Dardhën, Vithkuqin apo Boboshticën, qendra të lashta banimi që i kanë mbijetuar kohës. Filo thotë për ATSH se, “vitet e fundit në qytetin e Korçës dhe rrethinat e saj janë shtuar më shumë se 30 njësi akomodimi, me mbi 500 shtretër fjetjeje, që pothuajse janë të prenotuar çdo ditë”.
Pikun e saj të vizitave, Korça e ka në dimër, thotë Sotiraq Filo, kur turistët vijnë për t’u argëtuar në mjedisin dimëror me borë të saj, në pistat e skive në Dardhë e Voskopojë, por dhe për muzikën e veçantë dhe kulinarinë tradicionale dhe tepër “pikante”.
Kryetari i bashkisë, Filo thotë se, “qëllimi ynë është ta mbajmë ndezur këtë trend të nisur dhe të synojmë objektiva të tjera për vitin që po nis”.
Korça është e vizitueshme në të katër stinët e vitit dhe kush nuk ka parë Korçën, nuk ka parë kulturën shqiptare.
