Thethi, perla e mbrojtur e turizmit shqiptar, vizitohet në çdo stinë - Bota Sot
Thethi, perla e mbrojtur e turizmit shqiptar, vizitohet në çdo stinë

Turizëm

Thethi, perla e mbrojtur e turizmit shqiptar, vizitohet në çdo stinë

Më: 2 tetor 2018 Në ora: 09:26
Thethi

Thethi, zemra e Alpeve Shqiptare. Kjo perlë e natyrës vetëm këtë sezon turistik ka pritur mbi 40 000 vizitorë, ndaj të gjithë së bashku duhet të kontribuojmë për ruajtjen e saj. Me këtë synim, me propozim të ministrisë së Kulturës dhe vendim të Këshillit të Ministrave tashmë qendra e fshatit Theth, është shpallur “Qendër historike” në mbrojtje.

Në bukuritë e rralla, Thethi pa dyshim zë vend kryesor.

Ai gjendet në mes të Alpeve me një bukuri mahnitëse, në veri të Shqipërisë, shtatëdhjetë kilometra nga qyteti i Shkodrës, i mbrojtur nga tre male Radohima, Sheniku dhe Papluku, me lartësi mbi 2500 m mbi nivelin e detit.

Historia e Thethit dhe e Shalës është e lidhur me atë të fisit ilir të Labeatëve. Thethi është vendbanim shumë i hershëm duke u bazuar në të dhënat historike dhe zbulimet arkeologjike. Në vitin 1976, Thethi shpallet “Park Kombëtar” dhe sot është një nga pikat turistike më të frekuentuara nga vendasit dhe turistët e huaj.

Aty ndodhen hotele dhe bujtina që presin dhe strehojnë vizitorë dhe pushuesit. Bukuritë e papërsëritshme të këtij fshati malor në zemër të Alpeve shqiptare e bëjnë Thethin që të zërë një vend të rëndësishëm në natyrën dhe turizmin shqiptar.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...