Për fat të keq, vetëm pak njerëz janë të vetëdijshëm se disa ushqime nuk janë shumë të mira nëse hahen me stomakun bosh.
Ja se çfarë duhet të hamë dhe çfarë duhet të shmangim në mëngjes:
Ushqimet që mund t’i hani me stomakun bosh:
Arra
Photo by Tom Hermans on Unsplash
Ky burim me proteina natyrale është gjithashtu i pasur me antioksidantë, minerale, vitamina dhe acide yndyrore omega-3, të shëndetshme për zemrën tuaj.
Një grusht arra ofron ushqyesit thelbësorë, ndërkohë që ndihmon për të larguar urinë.
Vezë
Të konsumueshme në çdo kohë, vezët janë një proteinë e plotë përveçse sigurojnë hekurin dhe mineralet e tjera përveç vitaminave dhe përbërësve të tjerë të nevojshëm.
Këto ushqyes ndihmojnë në zhvillimin e trurit, forcojnë kujtesën dhe kanë aftësinë për të parandaluar sëmundjet e lidhura me sytë më vonë gjatë jetës.
Mjalti
Ky element ushqyes natyral është një burim i pasur i aminoacideve, vitaminave B dhe mineraleve të shumëfishta.
Konsistenca, struktura dhe vetitë antimikrobiale të mjaltit parandalojnë proceset e sëmundjes gastrointestinale, nxisin sistemin imunitar dhe lehtësojnë simptomat e sëmundjeve të rrugëve të sipërme të frymëmarrjes.
Tërshëra
Ky ushqim mëngjesi është një kombinim i shëndetshëm i karbohidrateve që digjen ngadalë, mineraleve esenciale dhe fibrave që shërbejnë si burimi ideal i energjisë për fillimin e ditës.
Fibrat gjithashtu ndihmojnë në uljen e kolesterolit të keq, gjë që ndihmon në rregullimin e presionit të gjakut.
Hikërr
Konsiderohet një farë më tepër se një kokërr, hikërra është një burim i pasur i vitaminave B, hekurit dhe mineraleve të tjera, plus proteinave, fibrave të tretshme dhe të patretshme.
Fara fibroze jo vetëm që e mban sistemin gastrointestinal të shëndetshëm , por gjithashtu ndihmon në ruajtjen e niveleve të shëndetshme të kolesterolit.
Boronica
E pasur me vitamina A, C dhe E, boronica gjithashtu përmban përbërës antioksidues që pengojnë radikalet e lira që të kontribuojnë në zhvillimin e kancerit, sëmundjeve degjenerative, infeksioneve dhe plakjes së parakohshme.
Shalqi
Fruti popullor i verës balancon nivelet e lëngjeve dhe elektroliteve, ndërsa furnizon me vitaminë A, B-kompleks dhe vitaminë C. Shalqiri gjithashtu ka antioksidantë të njohur si flavonoide që mbrojnë organet dhe indet nga efektet e plakjes, infeksioneve dhe zhvillimit të gjendrave malinje.
Bukë nga gruri i plotë
Kur bëhet pa maja, buka nga gruri i plotë është një burim i mirë i hekurit, magnezit dhe selenit, të cilat parandalojnë aneminë, kontribuojnë në kërkesat e energjisë së trupit ndërsa ndihmojnë sistemin imunitar.
Fibrat e drithërave mbajnë rregullsinë gastrointestinale, ndërsa frenojnë urinën dhe rregullojnë nivelet e kolesterolit.
Ushqimet që duhet të shmangni në stomakun bosh:
Dardha
Photo by Marco Secchi on Unsplash
Materiali fibroz i patretshëm në dardha mund të shkaktojë shqetësime gastrike dhe të dëmtojë indet gastrointestinale.
Erëzat
Ushqimet me erëza të ngrëna vetëm janë shumë të forta për sistemin e tretjes. Melmesat nxisin lirimin e acidit në stomak, i cili më tej krijon mundësinë e zhvillimit të çrregullimeve të stomakut.
Të ëmblat
Ndërsa ëmbëlsirat fillimisht ofrojnë një nxitje të shpejtë të energjisë, nivelet e sheqerit në gjak bien shpejt, gjë që çon në lodhje dhe nervozizëm.
Ky lloj ushqimi gjithashtu nuk përmban lëndë ushqyese të shëndetshme për të mbështetur nivelet e energjisë ose për të ofruar përfitime të tjera shëndetësore.
Banane
Edhe pse e pasur me magnez, të ngrënit banane në stomakun bosh ngre nivelin e mineralit në gjak, që mund të ndryshojë shëndetin dhe performancën kardiake.
Domatet
Domatet janë një burim i mirë i vitaminës C dhe ushqyesve të tjerë. Megjithatë, niveli i lartë i acidit tanik që përmban domatja gjithashtu stimulon prodhimin e më shumë acidi në traktin gastrointestinal, gjë që mund të dëmtojë indet dhe të çojë në çrregullime të stomakut.
Agrumet
Niveli i lartë i acidit citrik që përmbajnë agrumet mund të dëmtojë mukozën e membranës, të shkaktojë urth dhe gastrit kur konsumohet në stomak bosh.
Ushqime me maja
Buka, makaronat dhe ushqime të tjera të bëra me maja rrisin përmbajtjen natyrale të majasë së trupit. Në bollëk, nivelet e larta të majasë çojnë në një sërë problemesh që nga infeksionet e gojës dhe gastrike tek shpërthimet e puçrrave në lëkurë.
Perimet e gjelbra
Ndërsa janë një burim i mirë i aminoacideve, mineraleve dhe vitaminave, përbërja e ngurtë fibroze që përmbajnë shkakton siklet abdominal në formën e urthit dhe gazrave të tepërta.
Produkte të Qumështit të Fermentuar
Kosi dhe produkte të tjera të qumështit të kultivuara ose fermentuara ofrojnë një pasuri probiotikësh. Megjithatë, kur konsumohen në stomak bosh, përmbajtja e acidit klorhidrik shkatërron shpejt bakteret e shëndetshme, gjë që anulon çdo përfitim.
Pijet e ftohta me gaz
Temperatura e ftohtë tenton të ngadalësojë qarkullimin e gjakut në traktin gastrointestinal, gjë që ngadalëson procesin e tretjes. Gazi mund të jetë gjithashtu i dëmshëm ndaj mukozës delikate.
