Frutat që djegin yndyrat

Ushqime

Frutat që djegin yndyrat

Më: 6 mars 2019 Në ora: 19:40
Ilustrim

Pemët janë pjesë thelbësore e të ushqyerit të shëndetshëm, të bollshme me vitamina dhe ushqyes të tjerë, dhe janë të shkëlqyeshme për humbjen e kilogramëve.

Humbja e kilogramëve nuk është një detyrë e lehtë. Ata që janë përpjekur të humbin kilogramë të padëshiruar, e dinë se sa mund dhe përpjekje nevojiten për një gjë të tillë. Kjo është arsyeja pse është mirë të dimë se si mund ta lehtësojmë vetë procesin.

Këto pemë përmbajnë pak kalori dhe djegin yndyrat:

Mollët

Përmbajnë pak kalori dhe fibra të bollshme. Një mollë çdo ditë, me lëvore, do t’i sigurojë trupit tuaj rreth 4.4 gramë fibra, që është rreth një e pesta e dozës së rekomanduar ditore. Hani mollën për dobësim.

Bananet

Shumë njerëz i shmangen bananeve kur duan të humbin peshë, por nuk duhet. Megjithëse kanë rreth 105 kalori, ato përmbajnë tre gramë fibra, gjë që i bën ato një zgjedhje të mirë për humbjen e peshës.

Kivi

Kjo bombë e vogël e frutave posedon vitamina C dhe E. Farat e zeza janë një burim i shkëlqyeshëm i fibrave që ndihmon tretjen. Ky fryt ndihmon kontrollin e urisë, gjë që është e rëndësishme për ju nëse doni të humbni peshë.

Frutat e malit

74 gramë boronica përmbajnë 42 kalori dhe 152 gramë dredhëza përmbajnë 50 kalori. Përveç kësaj, ato do t'ju japin ndjenjën e ngopjes dhe uljen e kolesterolit, presionin e gjakut dhe inflamacionin në trup.

Shalqiri

Posedon vitamina A, B dhe C. 100 gramë të këtij fryti përmbajnë 30 kalori dhe 90 për qind ujë, i cili do t'ju mbajë të hidratuar dhe do t'ju japë ndjenjën e ngopjes.

Portokalli

Është një zgjedhje e mirë nëse doni të hiqni dhjamin nga trupi juaj. Përmban pak kalori dhe është i pasur me vitaminë C, dhe siguron ndjenjën e ngopjes.

Grejpfrut

Përmban vitaminë C, acid folik dhe kalium. Gjysma e grejpfrut përmban vetëm 39 kalori, dhe nëse e hani atë çdo ditë para ngrënies, ajo do të ulë nivelin e kolesterolit. Ky është fryti që ju duhet ngrënë çdo ditë nëse doni të hiqni yndyrën nga barku.

commentFirst article
Sot mund të lexoni Shfletoni kopertinat