Këto ushqime janë ‘armiqtë’ kryesorë të zemrës tuaj

Ushqime

Këto ushqime janë ‘armiqtë’ kryesorë të zemrës tuaj

Më: 29 maj 2019 Në ora: 11:13
Foto ilustrim

Kolesteroli është armiku kryesor i zemrës. Prandaj janë disa ushqime që duhet të shmangni.

Pijet e gazuara 

Sheqeri konsiderohet si armiku kryesor i shëndetit. Ai luan një rol të fortë në rritjen e kolesterolit dhe në rrezikun e sëmundjeve të zemrës.

Ekspertët thonë se heqja dorë prej këtyre produkteve është hapi më i rëndësishëm në uljen e kolesterolit.

Mishi i përpunuar

Ekspertët thonë se konsumi i mishrave të përpunuar rrit rrezikun e sëmundjeve kronike të zemrës.

Ata rekomandojnë një regjim ushqimor mesdhetar i cili përfshin sasi të kufizuara të mishit të kuq e pa dhjamë.

Konsumi i moderuar i këtij të fundit mund të përmirësojë shëndetin e zemrës.

Yndyrnat 

Yndyrnat trans e rrisin kolesterolin dhe janë një kontribues i fortë në shfaqjen e sëmundjeve të zemrës.

Këto yndyrna gjenden me shumicë në ushqimet industriale, por me emërtime të ndryshme në etiketa.

Një prej emërtimeve më të përhapura është “vaji i hidrogjenizuar.”

Ushqimet e skuqura e të shpejta

Vajrat e përdorur për skuqjen e ushqimeve janë plot me yndyrna të pashëndetshme.

Temperatura e lartë për skuqje formon yndyrnat trans.

Për pasojë, ekspertët rekomandojnë shmangien e ushqimeve të skuqura që janë rrezik për zemrën.

Ushqimet e shpejta duhen shmangur gjithashtu, sepse janë të pasur në kripë e yndyrna të rrezikshme.

Konsumi i tyre rrit jo vetëm kolesterolin, por edhe tensionin e gjakut që është një faktor rreziku për sëmundjet e zemrës.

Drithërat

Karbohidratet e thjeshta që kanë humbur fibrën rrisin rrezikun e inflamacionit dhe kolesterolin.

Këtu bëhet fjalë për orizin e bardhë, makaronat e përgatitura me miell të bardhë dhe buka e bardhë.

Ndikimi i tyre në shëndet është i njëjtë me atë të një kanaçeje me pije të gazuar.

Edhe drithërat e mëngjesit nuk rekomandohen për kolesterolin.

Ato përmbajnë sheqerna të fshehur që rrisin rrezikun e sëmundjeve të zemrës

Gjalpi

Gjalpi mund të përmbajë vitamina dhe acide yndyrore por me të duhet treguar kujdes.

Konsumi i tepërt i gjalpit mund të ketë një ndikim të keq në nivelet e kolesterolit.

Në vend të tij, ekspertët rekomandojnë konsumin e yndyrnave të shëndetshme siç është vaji i ullirit apo avokado.

Produktet e bulmetit

Disa studime thonë se djathi i vjetëruar apo kosi mund të kenë yndyrna, por ato nuk kanë ndikim tek kolesteroli në gjak.

Gjithsesi disa produkte të bulmetit duhen konsumuar pa e tepruar.

Një regjim ushqimor i shëndetshëm për zemrën kërkon më shumë ushqime me bazë bimore dhe ndjeshëm më pak të përpunuara.

commentFirst article
Sot mund të lexoni Shfletoni kopertinat