Shumica e njerëzve kanë një marrëdhënie të çuditshme urrjetjeje dhe dashurie të ndërsjelltë me ushqimet djegëse. Ka shumë persona që këto produkte nuk i hanë kurrë, por ka edhe nga ata që i kanë pjesë të çdo vakti. Gjithsesi për ju që mbase nuk keni një raport të mirë me këto ushqime ka diçka që mund t’ju nxisë t’i konsumoni.
Duke ngrënë ushqime djegëse do dobësoheni! Ky pohim është dhënë nga studiues të ndryshëm të cilët kanë dalë në përfundimin se këto produkte nxisin zemrën të rrahë shpejt dhe qarkullimi i gjakut shpejtohet duke bërë të mundur që të djersini. Gjithashtu pasi i konsumoni do të japin ndjesinë e ngopjes për një kohë të gjatë duke ulur kështu nepsin dhe dëshirën për yndyrna, sheqerna apo ushqimet të kripura.
