Ja disa nga ushqimet që duhet të konsumojmë para gjumit… - Bota Sot
Ja disa nga ushqimet që duhet të konsumojmë para gjumit…

Ushqime

Ja disa nga ushqimet që duhet të konsumojmë para gjumit…

Më: 25 qershor 2019 Në ora: 15:51
Foto ilustrim

Ndodhë shpesh që më shumë na hahet ushqim para gjumit sesa gjatë ditës, anise e dimë se nuk do duhej të ndodhte kështu.

Pagjumësia apo çrregullimet e gjumit ndikojnë negativisht në rutinën tonë të përditshme, na bëjnë më emotivë e më pak produktivë.

Por, ne mund të përzgjedhim të konsumojmë në mbrëmje ushqime të cilat ndihmojnë për një gjumë të rehatshëm.

Këto janë disa nga ushqimet që mund t’i konsumojmë para gjumit:

Produktet dhe disa nga nënproduktet e qumështit janë burim i mirë i një gjumi të rehatshëm. Këto elemente ushqimorë shërbejnë për të qetësuar nervat para gjumit, pasi përmbajtja e kalciumit në to vepron si një efekt reduktues i fibrave nervore.

Nëse jeni duke u përballur me vështirësi në gjumë, atëherë duhet të ushqeheni me vezë. E pasur me proteina, veza ndihmon në përmirësimin e gjumit duke ju dhënë një rehati më të mirë.

Studimet e fundit kanë treguar se drithërat, të cilat kanë përmbajtje të ulët sheqeri, ju ndihmojnë gjithashtu për një gjumë më të qetë.

Mjalti bën një ndryshim të madh në përmirësimin e gjumit tuaj. Hidhni pak mjaltë tek drithërat apo tek ndonjë ushqim tjetër i lehtë, të cilin do ta konsumoni përpara se të shkoni të flini.

Nëse mund të mbështeteni tek këto ushqime për një gjumë më të mirë, disa të tjera bëjnë efektin e kundërt.

E tillë është cokollata me qumësht, e cila nxit gjëndjen e pagjumësisë. E pasur me tyrosinë, shkakton vigjilencë e irritim, gjë që ju mban zgjuar.

Ushqimet pikante shkaktojnë ndjenjë shqetësimi që reflektohet gjatë gjumit.

Por, edhe nëse do të konsumoni domate për darkë nuk jeni të garantuar për një gjumë të qetë. Domatet kanë tendencë të shkaktojnë aciditet në stomak.

Mishi dhe nënproduktet bëjnë pjesë tek ushqimet që nuk duhet të konsumohen para gjumit pasi sjellin vështirësi në tretje dhe përmbajnë lëndë kimike të cilat çlirohen në tru duke sjellë pagjumësi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...