Çfarë duhet të hash që të mos kesh vapë, ushqimet që të mbajnë freskët në verë

Ushqime

Çfarë duhet të hash që të mos kesh vapë, ushqimet që të mbajnë freskët në verë

Më: 1 korrik 2019 Në ora: 06:24
Ilustrim

Dy javët e ardhshme, sipas parashikimeve, temperaturat mund të rriten edhe më shumë dhe, siç dihet, koha e nxehtë ka edhe të metat e saj. I nxehti i tepërt mund të jetë një shqetësim i vërtetë për trupin e njeriut, duke pasur parasysh se shkakton nervozizëm, probleme me gjumin, lodhje nga mungesa e përqendrimit dhe mjaft të tjera. Megjithatë, me një kombinim të mirë të ushqimeve dhe lëngjeve, gjatë kësaj periudhe të nxehtë mund ta kesh më të lehtë për të luftuar temperaturat e larta. Ushqimet që konsumon gjatë ditës luajnë një rol shumë të rëndësishëm për ta mbajtur trupin të freskët. Ja cilat janë disa ushqime që duhet t’i konsumosh çdo ditë.

Kos frutash: Është kombinimi ideal i mëngjesit, në një mot të të nxehtë. Frutat, të cilat kanë përmbajtje të lartë uji, të ndihmojë që të mbash trupin të hidratuar. Sa më të hidratuar ta kesh trupin gjatë ditës, aq më të freskët e ndien veten. Nga ana tjetër, edhe kosi është i pasur me një bakter Lactobacillus acidophilus, i cili mbron trupin nga helmimet, gjë që ndodh rëndom në rastet e temperaturave të larta, atëherë kur ushqimi është vështirë të ruhet gjithmonë i freskët.

Perimet: Është shumë e rëndësishme që nivelet e ujit në trup t’i mbash të ekuilibruara jo vetëm me fruta dhe lëngje, por edhe me perime. Zgjidh sidomos ato produkte që përmbajnë shumë ujë”,- thotë Catherine Collins, dietologe pranë spitalit “St George Tooting”. Perimet janë zgjedhja e duhur gjatë verës, sepse përmbajnë shumë lëngje dhe vlera ushqyese.

Patatet e pjekura ose pastat: Ushqimet e pasura me karbohidrate të ndihmojnë për të luftuar lodhjen që të shkakton vapa. Dr. Wendy Doyle, nga shoqata e dietologëve në Britani, rekomandon të hahen vakte të vogla me ushqime që përmbajnë karbohidrate gjatë ditës, si p.sh. pite për të ruajtur nivelin e sheqerit në gjak, si dhe nivelin e energjisë. Ushqime të tjera të pasura me karbohidrate janë fasulet e pjekura, orizi, frutat, kosi dhe qumështi.

Xaxiqi: Salca greke, me kos dhe kastravec, ka një përmbajtje uji deri në 94 për qind.

Lakrat: Janë po ashtu një burim i pasur mineralesh, duke përfshirë hekur, i cili është shumë i domosdoshëm sa herë që trupi humbet djersë. Mungesa e hekurit mund të shkaktojë ndjenjën e lodhjes dhe të përgjumjes. Ushqime të tjera që përmbajnë hekur janë edhe mishi, frutat dhe perimet e gjelbra.

Nenexhiku: Sepse nenexhiku mban të ftohur të gjithë trupin, pas asaj djegies që shkakton në gjuhë. Për këtë arsye, dietologët rekomandojnë këtë shije freskuese në mot të nxehtë.

Qepët: Sidomos ato të kuqe përmbajnë një kimikat “quercetin”, e cila besohet të ketë efekt anti-histamine. Histamina është ngacmues që shkakton skuqjen e lëkurës ndaj pickimeve të insekteve, kështu që konsumimi i qepës mund të të ndihmojë për të lehtësuar veten nga këto ankesa verore.

Banane: Janë një burim i pasur me kalium, i cili ndihmon për të rregulluar nivelin e lëngjeve në trup, pas djersitjes së tepërt. Ushqimet e pasura me kalium, si perimet jeshile, fasulet e pjekura, frutat e thata dhe drithërat janë të rekomanduara gjatë periudhës së nxehtë.

Pjepri: Dr. Doyle thotë se është më i rëndësishëm për t’u konsumuar gjatë periudhës së nxehtë, sepse pjepri përmban më shumë se 90 për qind ujë.

Sot mund të lexoni Shfletoni kopertinat