Rizoto me proshutë dhe pjepër të freskët, super receta e të hënës - Bota Sot
Rizoto me proshutë dhe pjepër të freskët, super receta e të hënës

Ushqime

Rizoto me proshutë dhe pjepër të freskët, super receta e të hënës

Më: 20 korrik 2019 Në ora: 16:14
Foto

Përbërësit: 300 g oriz Carnaroli, 80 g gjalpë i ftohtë nga frigoriferi,  50 g djathë Grana Padano i grirë, 4 feta spek, 1/2 pjepër i verdhë, 1/2 pjepër i bardhë, lëng perimesh, 15 gjethe borziloku, uthull molle, vaj ulliri, kripë.

Përgatitja: Në një tenxhere, hedhim 50 g gjalpë dhe vëmë orizin të skuqet për 2-3 minuta. Më pas, e lëmë të ziejë duke shtuar lëng sipas nevojës. Ndërkohë, përgatitim përbërësit e tjerë. Pasi u qërojmë lëkurën, i presim
pjeprat në kubikë. Në blender, grijmë gjethet e borzilokut bashkë me 3 lugë vaj ulliri e pak kripë, derisa të bëhen si salcë kremoze. E lëmë mënjanë. Fetat e spekut i presim në rripa të hollë, i vëmë në një tavë me letër furre dhe i pjekim në furrë të ngrohur më parë në temperaturën 200° C për afërsisht 5 minuta ose derisa të jenë bërë krokante, ose mund t’i skuqni për pak minuta në një tigan pa vaj. Kur orizi të ketë zier, fikim zjarrin, shtojmë gjalpin në kubikë nga frigoriferi, djathin dhe një lugë uthull molle. E përziejmë me lugë druri. E shërbejmë me salcën e borzilokut sipër, pjepër dhe spek.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...