Sipas dietologëve, këto janë ushqimet që ju ndihmojnë të lehtësoheni nga ankthi

Ushqime

Sipas dietologëve, këto janë ushqimet që ju ndihmojnë të lehtësoheni nga ankthi

Më: 14 tetor 2019 Në ora: 06:35
Ilustrim

Çdo ditë përllogaritet se ne marrim rreth 300 vendime që lidhen me ushqimin. Mund të zgjedhim ushqime që na ndihmojnë, por gabimisht dhe mund të hamë ushqime që na shtojnë inflamacionin apo na krijojnë shqetësime.

Një dietologe amerikane sugjeron disa ushqime që sipas saj lehtësojnë ankthin. Në librin e saj më të ri “Dieta anti-ankth”, ekspertja e dietologjisë amerikane, Ali Miller, thotë se mund të kurosh trurin me ushqim.

“Ushqimet që hamë ndikojnë pozitivisht ose negativisht në kiminë cerebrale. Mund të rregullojnë humorin, emocionet dhe sinjalet që i dërgohen trurit”, -thotë ajo.

Ndaj në periudha stresi kemi prirjen të hamë më shumë dhe ta teprojmë me të ëmblat që na ndihmojnë të çlirojmë dopaminën, e cila na qetëson. Për këtë, ankthi shihet shpesh si pengesë për të ulur peshën. Ndaj beteja fillon në llogoren e parë, që janë zorrët, të cilat duhen mbrojtur nga sheqeri i rafinuar, karbohidratet në masë të madhe, omega 6 me prejardhje nga përpunimi industrial i vajit.

Disa ushqime që na ndihmojnë janë: supa me lëng kockash, specat, frutat e pyllit, portokalli, perimet që përmbajnë antioksidantë (si brokoli, lulelakra, apo sallata jeshile). Po ashtu, një truk që e sugjeron dietologia Miller është të shtoni bimë aromatike dhe erëza në ushqimet që hani.

Sot mund të lexoni Shfletoni kopertinat