Recetë dukagjinase për përgatitje të ajvarit

Ushqime

Recetë dukagjinase për përgatitje të ajvarit

Më: 18 tetor 2020 Në ora: 18:08
foto ilustrim

Shfrytëzoni sezonin e specave dhe domateve dhe filloni përgatitjen e zahireve.

Në grupin “Maniakë t’Kuzhinës”, Visare Krasniqi e ka treguar mënyrën dukagjinase se si mund të përgatitni ajvar shumë të shijshëm.

Më poshtë e keni recetën sipas saj:

Specat i pastroni mirë nga farat dhe pastaj i pastroni prapë. Përmbi ua hidhni një kovë të madhe me ujë të vluar për t’i zbutur. Specat i lini pastaj të ‘kullohen’ për një orë.

Pas kësaj, i bluani imët.

Mbi shporet e lini tepsinë që të nxehet dhe, posa të nxehet pak, e hidhni ajvarin e bluar në tepsi.

E zieni ajvarin në tepsi për 2 orë.

Gjatë 30 minutave të fundit të zierjes, mbi ajvar i hidhni këta përbërës:

– 3 filxhanë vaj
– 2 lugë të gjellës kripë (jo shumë të mbushura)
– 3 lugë të gjellës sheqer
– Në fund edhe pak vaj

Ajvari zihet derisa të ç’kapet nga tepsia dhe derisa yndyra të del pak anash.

Sipas saj, nga kjo tepsi duhet të nxirrni 1 kilogramë e pak ajvar.

commentFirst article
Sot mund të lexoni Shfletoni kopertinat